Exif_JPEG_420

Pipiet Senja

Saking tos biasa.
Gaya transfusina sakarepna baelah. Nu penting mah karasa tumaninah.

Dokter kalih juru rawatna balageur, saromeah deuh. Sakapeung mah ngaladenan heureuy barudak.

Matak ulah helok lamun ningal saruangan saruka bungah teh. Persis sakulawarga we.
Mo bina ti imah sorangan.

Maklum, meh saminggu sakali patepung lawung.

Manini Zein ieu bari ngemil gorengan. Henteu kaburu sarapan heula di imah.
Awahing hayang geura ngedrakuli.
Surupuuuut weh, nyedot getih batur. Hihi.

Urang ngadongeng geura nya, Bray.
Sakapeung hayang seuri.
Nyakseni kalakuan pasien saruangan.
Lolobana barudak.
Thallasemia mayor mah ngan 20-an kuatna. Maksad teh tos seueur anu ngarantunkeun.

Poe eta mah aya Lansia duaan ketang.
Aki aki 56 taun, HB 5.
Geus lila tara transfusina. Kiwari jantungna bocor.

Tah aya anu gadag- gidig we.
Mawa inuman gratis; teh jeung kopay.
Aya anu pulang anting ka kantin segala dibeuli.
Didahar mah henteu.

Pek ditatawarkeun ka sakabeh pasein. Arembungeun anehna teh.
Kaasup Manini ge gideug.

Oh, da marekel sorangan ketang, sangkan beresih. Halal.

Geura etah panglucuna mah.
Aya nini-nini haben we ngimeutan kabeh pasein.

Heg, kabehan ditanya panyakit jeung mimiti kapanggih, awal mulana transfusi.

Thallasemiana turunan saha, ti iraha ditransfusina, limpana bareuh teu, jeung sajabana, sajabana we.
Maksudna mah interviu.

Geus kitu inyana nguyek ngulinkeun hapena.
Sihoreng sagala ditulis. Terus diposting di medsos.

Saha cing tebaaaaak…. Tah kalakuan?

Dinten ieu:
Si beureum masih ngelembereh hiji-hiji
Ngaliwatan urat nadi
Tandaning kaasih Gusti
Anu masihan keneh
Waktu
Kun faya kun!

(Visited 2 times, 1 visits today)
Avatar photo

By Pipiet Senja

Pipiet Senja, sastrawati Nasional, menulis sejak 1975. Berbagai genre, terutama tentang perempuan. Ribuan cerpen dan ratusan novel telah ditulis, tetapi yang baru diterbitkan sebagai buku 203. Mentor Literasi untuk santri Askar Kauny. Mentor kelas menulis TKI; Hongkong, Malaysia, Singapore, Mesir, Mekkah dlsbnya. Aktivitas Manini 67 tahun dengan lima cucu ini selain menulis, wara-wiri ke rumah sakit sebagai penyintas Thallasemia. Suka diminta Orasi dan baca puisi, sebab ia pun Aktivis 212. Pesannya:"Menulislah yang baik-baik saja, jangan menyesatkan, sebab kelak tulisan kita akan dimintai tanggung jawab. Salam Literasi."

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Situs ini menggunakan Akismet untuk mengurangi spam. Pelajari bagaimana data komentar Anda diproses.