Memoria Saudoza Olimpia Da Costa (BUIRAI)

Oleh: Devinarti Seixas

Hau lian laek ba ita nia memoria luta iha pasado
rona nafatin mesmo matan dukur bainhira primera ves hau rona ita nia historia ….

Saudoza mana Olimpia Da Costa (Buirai) ita nia luta sai historia hakerek nanis ona iha rai doben Timor, tamba ita mak feto atembrani duni…….

Hau orgulho maibe hau la nonok,hodi imagina oinsa Ita nia sofrementu no ita feto atembrani duni,maske mate maibe sei la mate husi ami feto Timor nia Espritu………

Saudoza Olimpia Da Costa (Buirai) ita nia naran sei sai memoria ba feto hotu iha Timor Leste.Haneesan mos ita nia liafuan murak ita tatoli mai ami gerasaun foun katak
Imi bele oho hau maibe hau fiar loron ida Timor sei ukun an………………

Mana,ita Saudoza Ida atembrani duni,Mesmo ema kolu no sunu ho sigaru hodi kolu ita nia ropa,lori isin tanan lori ba suco ida-ida hakerek nanis ona ho rai Timor nia independensi

Mana Olimpia Da Costa (Buirai) ita sai matan dalan ba gerasaun foun Timor liu-liu ami feto sira atu bele luta atembrani hodi defende lia los iha era lndepedensi

Saudoza Olimpia Da Costa (Buirai) mesmo ita lakon vida maibe ita sei moris ba nafatin iha gerasuan foun liu-liu mai ami feto sira iha rai ne’e ……..

Ita lakon isin lolon deit mana doben,maibe ita nia Espritu nudar feto atembrani moris hela lha ami nia let mesmo husi deit historia maibe ami Orgulho ba Ita nia atembrani

Ohin ami hatais diak mesmo dificil tebes atu hakat nudar feto atembrani maibe ami fiar espritu ne’ebe ita ita boot sei suli mai ami fuan hodi hakat nafatin maske dificil tamba hahu husi ita boot nia luta

Saudoza Olimpia Da Costa ( Buirai) Obrigada wain ba ita nia luta no ita nia atembrani mesmo ita lakon vida maibe ita nia Spiritu matenek sei suli ba gerasaun foun ne’ebe neon mos ho laran mos.

Orgulho tebes ba ita mana
Tamba ita sai duni mata dalan mai ami feto Timor
Ho liafuan kroat ita tempu luta” Maske imi oho hau maibe hau fiar timor sei ukun an” sai memoria iha lista ukun rasik an.