Maulere (Aknanoik husi Iliomar )

Maulere hanesan joven ida moris husi uma ho aman ne’ebe simples e iha alin feto ida.Maulere nia inan aman ferik katuas oan,sempre ba lere to’os bainhira besik udang monu rai.

Nia hanesan joven ida lanu ten,no baruk ten lakoi atu ajuda nia inan ka ho aman hodi halo to’os bainhira besik udan monu rai.Maulere lao ba ransu iha fatin hotu-hotu.Gosta hemu tua no ransu e buat hotu hakarak nia inan aman mak kaer.Nia alin feto deit mak ajuda nia e nia nunka mais ajuda inan ho aman.

Komesa udan besik monu rai,ema hotu halo servico iha ida-ida nia to’os.Maulere nia inan ho aman la halo to’os tamba ferik no katuas liu ona.Nia ba hemu iha fatin-fatin no ransu hodi buka problema iha fatin hotu.Nia alin feto deit mak ajuda nia inan ho aman no tein ba sira e kuru we.Maulere loron la tama uma e kalan mak tama uma No buka problema ho nia inan ho aman no baku nia alin kuando sira la rai hahan ba nia.

Maulere stilozu no fiar an ho vida badiu.

Loron ida besik ona udan monu rai,ema sira ne’ebe halo to’os komesa sunu du’ut no ai tahan sira no ai,ba sira ne’ebe lere to’os foun.Nia la precupa saida mak nia maluk sira iha nia sorin halo bainhira udan besik monu rai.Maulere blar ba fatin hotu la senti katak nia nudar joven ida nia mos bele halo ona servico hodi ajuda nia inan ho aman.Nia alin hein los uma hodi tau matan ba nia inan ho aman no ajuda halo servico uma laran.

Labarik oan kiak nain rua otas sei kiik hela maibe tan inan aman mate hotu ona. Maske ho idade kiik mas sira rua mos halo servico no lere to’os tamba sira hatene katak bairo sira hela ba hotu-hotu servico kuando besik tempu udang.Labarik oan kiak nain rua ba hamos hela sira nia to’os hodi hadia lutu no sunu hotu du’ut ona hein udan tun sira ba kuda deit ona.

Oan kiak nain rua ne’e mos fila ona husi sira nia
to’os.Tuir dalan sira senti kontente tebes tamba sira nia servico iha duni rezutado mesmo sira laiha inan ho aman ona.Fila kontente tuir dalan iha rai besik nakaras ona,sira rua hasoru los Maulere.Imi rua ba iha ne’ebe ? Maulere komesa husu ona ba oan kiak nain rua.

Hmmm ami rua hau nia alin foin fila husi to’os.Depois ami hadia ami nia lutu.Nia alin tauk tamba Maulere ho kondisaun lanu.

Nea ! Taun imi nia to’os halo oituan ne’ebe ? Husu Maulere ba oan kiak nain rua.

Ami nia to’os ida uluk ! Hatan oan kiak.Nia alin tauk.

Maulere komesa dehan ona ba labarik oan kiak nain rua dehan to’os ne’e komesa aban hau nian laos imi nian.

Oan kiak ida maun hatan ba Maulere dehan labele ne’e ami nia to’os antigo maun Maulere lebele halo fali nune ba ami.

Maulere komesa semasa ona sira nain rua hodi dehan imi rua hakarak mate ka moris?

Oan kiak ida kiik tauk maibe nia la simu kuando sira mak halo kolen ida mosu mai ho ain kabun no liman fuan boot sai nain deit.

Imi rua aban sei labele ba tan to’os ne’e , lae hau baku mate imi rua hateten Maulere ba sira.

Taun oan kiak nain rua komesa buka meus oinsa nune Maulere labele hadau sira nia to’os.Sira rua komesa dehan ona,maun Maulere kuando hadau ami nia to’os diak liu ami ba kesar iha Vizinho sira lae chefi Aldea.

Maulere komesa buka idea no ameasa labarik nain rua hodi ba dada tali.Los ona dia liu ita ba dada tali sei ini rua mak manan hau ne’e hau entrega fali to’os ba imi rua e imi mak sai to’os nain.Miabe hau mak manan to’os sai hau nian.

Maulere komesa buka idea no nia ba foti fali tali iha nia uma.Imi rua hein hau ba foti kedan tali agora.

Diak hatan oan kiak nain rua.Alin komesa husu ba nia maun dehan,hai maun oinsa los ne’e sei nia manan to’os sei sai nininan pois oinsa ho ita ?

Alin Pasiencia deit lae nia sei ameasa ita rua nia moris bebeik orsida mak ita hare’e rezutado.Diak maun ! Nia Alin teristi tamba sira rua kolen durante ne’e.

Maulere komesa lori tali mai e sira ba ona labarik oan kiak nain rua nia to’os.

Too iha to’os labarik nain rua mos nonok deit halo tuir Maulere nia hakarak tamba sira hatene Maulere gosta halo problema ho komunidade iha suci laran.

Maulere dehan ona,agora ita dada tali.Nia haruka labarik nain rua kaer tiha tali,nia dehan ona ini rua ba hamrik iha foho leten hau mak Iha karik.

Oan kiak ida boot tristi tamba Maulere mak sei manan kuando sira rua hamrik iha foho leten. Sira rua pasiencia deit ona.

Maulere sura ida,ria,tolu sira komesa dada tali no Maulere mak manan tamba dada dala ida deit labarik sira monu mai rai tetuk tamba sira rua Hamrik husi foho.

Maulere basa liman hakilar ho lian malas hore’e, toos agora hau nian ona.

Oan kiak nain rua fila tanis tuir dalan.

Maulere kontente los,tamba manan ona to’os maske la lere to’os.

Maulere fila ba uma nia.Too iha uma Maulere kontente los! Nia inan tur nonok nia ba dehan ba nia ama nia.

Ama hakarak kuda batar ka lae?
Hmmm o loron lao badiu,la halo to’os oinsa ama atu kuda batar ?

Ama nia oan mane la hanesan uluk ona,durante hau laiha uma ne’e tamba hau ba lere to’os ama.

Nia ama hateke ba nia alin feto.

Ama aban prepara batar fini ba toos hau hein ama ho alin iha ne’ebe.

Nia ama la fiar sa tan nia apa.

Maulere dehan ona, ama maske ema dehan ama nia oan mane badiu maibe sira la hatene katak hau mos bele servico no halo to’os.

Nia ama mos fiar nia no prepara ona batar fini.

Dader nakukun deit nia ba uluk ona to’os.

Oan kiak nain rua ne’e hamlha e sira rua mos oho tiha sira nia asu ida. Nia maun dehan ona ba nia alin hodi subar hotu naan asu ne’e tamba Maulere mai agora sira la aproveita kedas.

Maulere komesa hare’e labarik nain rua han nia mos ba ona.

Hei imi rua halo saida iha ne’e.

Ami rua iha ne’e horikalan kedas.

Imi han saida ?

Ami la han buat ida.

Ah imi keta lohi fali hau tamba imi han naan mak nafurin hela iha ibun laran mos.

Oh ne’e ami hamlaha mak ohin hau nia alin nia isin oituan hodi lalar be ami han hela hatan oan kiak sira.

Taun kal gostu los ! Hau koko oituan ba sei gostu mak imi rua kua tan hau nia kelen sorin ita lalar han rame-rame.

Oan kiak ida boot hateten ona ba nia alin hodi fo naan asu nia aten ba Maulere.

Maulere komesa han ona, nia dehan hai gostu duni.

Nea !

Sim,! Taun imi kua tiha hau nia kelen sorin lalar ita han ba !

Oan kiak nain rua dehan okey diak.Sira komesa foti tudik mak ida kaer ain ida kua ona Maulere nia kelen.

Morasss ,morasss hakfodak nia ran sai barak halo Maulere mos mate tiha.

Labarik nain rua finzi tau manu fulun iha nia ibun no muda mate isin halo hamrik no sadere hela iha we matan hanesan ema atu rama animal fuik.

Dader nia inan ho nia aman no alin feto lori batar fini atu ba to’os.

To’o dalan atu ba to’os nia inan dehan imi rua hein hau ba kuru ita nia we lai.

Nia inan to we matan hare’e Maulere hamrik sadere hela.

Maulere ama ho alin no apa ami mai hotu atu kuda batar.

Muelere nonok deit,hateke nia ama nia matan laran.

Nia ama dehan ona o keta halo ama tauk ,o atu rama fali ama ka ? Maulere la hatan taun nia ama mos tauk ona hakilar ba nia alin ho nia apa hanoin atu rama fali nia taun nia aman ho nia alin mai hare’e Maulere mate ona.