Anin kalan mamiri hamamar hau nia kakutak
Relembra minha pasadu infansia, wainhira hahu aprende iha uma
Hafoin hatene leh no hakerek husi portugues nia kartila kiik ida
Hakat tan pasu ida ba oin hodi aprende gramatica lingua portuguesa
“Vamos aprender, a ler, e escrever a lingua portuguesa”
Portugues lian ida nebe defisil liu iha mundu
Hosi liafuan ida mosu liafuan foun barak, ho nia termus no tuir tempu determinadu
Como a palavra do verbo “ser”…eu sou, tu es, ele é, nós somos, eles são…
Iha fatin seluk verbo “ser”…eu fui, tu foste, ele foi, nós fomos, eles foram
Maski iha liafuan ida deit maybe iha diferente signifikadu
Halo alunus no mestri nebe foin aprende mos bilan hotu
Atu uza loos ida nebe? Uza mos uza sala mak barak liu.
Wainhira aula hahu professor husu alunus, como te chamas?
Ho fiar-an alunus mos hatan ho gaya deit, eu chama-te Maria…..
Onde que moras? Hau nia ulun moras mestri….
Oinsa mak lian ida ne’e bele dezenvolve iha eskola?
Professor hanorin portugues, fila ba eskritoriu kualia fali lian materna ida-idak nian
Nusa mak la involve nia ema sira husi Portu ka Brazil?
Para fo influensia direta ba alunus no professores
Hodi kualia lian ofisial portugues iha eskola ho diak.
Materia sira iha livru laran hotu-hotu uza lingua portuguesa
Professor no alunus ba lohi malu iha sala laran
Leh hotu tiha materia ne’e, mestri esplika fali ho lian tetun, tuir nia hanoin
Alunus komprende sala, no responde sala…
Alunus husu ba mestre, mestre hatan, lahatene husu iha leten deit, iha leten mak hatene.
Husi lejislador sira, makaer ukun rai ida ne’e
Hatuur tiha iha lei inan, dalen Tetun no Portugues sai lian ofisial
Maibe makaer ukun nain sira barak ladun hatene koalia lian ofisial rua nee
Iha publiku ema temi bebeik…wainhira quando?
Será ke liafuan rua ne’e uza loos ka uza sala?
Regra matematika dehan, menus vezes menus rezultado positivu
Wainhira iha lian tetun, no quando iha lian portugues
Ho siginifikadu hanesan maibe uza dala ida deit
Será ke ida ne’e mak representa padraun lian ofisial rua ne’e?
Imajina no peskija to’ok ba, iha eskola sira
Professor no alunus uza lian ofisial rua ne’e hotu ho diak kalae?
Ka uza sala? Dala barak lian rua ne’e sai emblema deit.
So balun deit mak uza, maibe barak mak uza lian materna.
Hodi konversa, hodi esplika materia iha sala laran
Husi kedas lejislador sira hatuur lei iha lei inan
Pursentu hira mak to’o agora hatene ona dalen portugues?
Portugues lian ida rejime ditadura nian, dalen ofisial ba paises kolonizadu
Wainhira seim involve direta husi nia nain rasik, ka medsos
To’o ita mate mos la hatene nafatin uza dalen ofisial portugues ho diak
Hanesan dalen Indonesia, uluk tempu rejime no agora tempu demokrasia
Iha influensia barak husi nia nain rasik no medsos
Alunus barak mak komprende liu dalen Indonesia duke dalen Portugues
Iha eskola materia uza dalen portugues, esplika iha dalen tetun,
Estudantes komprende iha dalen Indonesia.
Oinsa futuru estudante Timles nian?
Quando finaliza nia estudu iha universidade
Oinsa hakerek tese ho dalen ofisial tetun ho portugues nebe diak?
Será ke ita uza nafatin dalen gado-gado?
Wainhira estudante ida la domina dalen ofisial ida ho diak….
By: Prof. Aldo Jlm’21