Iha ESG (Escola Secundária Geral) ida nebe lokaliza besik to’os ida, iha neba iha tua huun ida katuas ida mak kua tua hela iha leten. Wainhira professor hanorin hela, aluna ida husu lisensa atu ba haris fatin, maibe nia la ba haris fatin ida no ba fali iha tua hun ne’e hodi hein nia doben. Lakleur nia doben mane ne’e mos husu lisensa atu ba haris fatin, maibe la ba haris fatin ida, no ba hasoru malu fali iha tua hun ne’e hodi halo juramentu ba sira rua nia domin.
Feto : “doben o hadomi hau kalae?”
Mane: “hau hadomi o sha!
Feto : “Hau sa la fiar liu”
Mane: “Se o la fiar karik, fera tiha hau nia hirus matan ne’e no hasai tiha hau nia fuan hodi haree katak, hau hadomi o ne’e, hakerek iha hau nia fuan laran”.
Feto: “Hau la fiar ida”
Mane: “o la fiar taun to’o ona, iha leten mak hatene”
Sira rua la hatene katak katuas ida kua tua hela iha leten, no hatan ba sira:
“Imi rua halo saida iha kraik, hau mak hatene fali ga?”
Sira nain rua hakfodak halai namkari tama fali sala laran, maibe mane nia intensaun ohin ne’e katak “iha leten” nee signifika “Maromak” mak hatene.
***********
Versi Indonesia
Di Atas Yang Tahu
Di sebuah SMA yang letaknya dekat sebuah kebun, di sana ada sebuah pohon aren, seorang bapak tua yang sedang memotong ranting sopi diatas. Ketika guru sedang mengajar, seorang siswa meminta ijin untuk pergi ke toilet, tetapi dia tidak pergi ke sana, malah pergi ke bawah pohon aren untuk menunggu kekasihnya disana. Tidak lama kemudian, pacar lelakinya juga meminta ijin mau ke toilet, tetapi tidak pergi ke sana, malah pergi jumpai kekasihnya di bawah pohon aren untuk melakukan janji atas cinta mereka berdua.
Cewek: “kasih, kau mencintaiku atau tidak?”
Cowok: “Aku mencintaimu sha!”
Cewek: “Aku sha tidak percaya sama sekali”
Cowok: “Seandainya kamu percaya, belah saja dadaku dan mengeluarkan jantungku supaya kamu lihat bahwa, aku cinta padamu, itu tertulis dalam hatiku”.
Cewek: “Aku tidak percaya sama sekali”
Cowok: “kalau kamu tidak percaya ya sudah, di atas yang tahu”.
Mereka tidak tahu bahwa, ada seorang bapak tua yang sedang memotong ranting sopi di atas, menjawab mereka: “kalian buat apa di bawah, saya yang tahu kah?”
Mereka berdua terkejut dan berlari berpisah masuk kembali ke kelas, tetapi intensi cowok tadi yang mengatakan bahwa, “di atas yang tahu”, artinya “Tuhan” yang tahu.
by Aldo Jlm’22