Husi: Aldo Jlm
Inagurasaun fatin izolamentu & laboratoriu ne’e halao iha dia 28 de julho de 2022 no hahu iha tuku 15.30 OTL, tuir orario loloos ne’e halao iha iha 14.30, maibe tarde tamba iha inagurasaun postu saúde Souro. Simu ho tebedai nebe prepara husi grupu saúde Lospalos nian, no tara selendang ba ministra no Administrador Municipio Lautém.
MC husi mana Lolalina enfermeira saúde Lospalos. Edifisiu ne’e konstrui iha tinan kotuk 2020 nia klaran no termina iha 2022, ho orsamentu estadu nian, konstrui husi kompanhia ETADEP ho durasaun tinan ida resin. Loloos ne’e inagura ona iha tinan kotuk, maibe tamba covid-19 no konstrusaun tarde ne’e mak foin inagura. Inagura husi Ministra Saúde, Odete Maria Freitas Belo, no Administrador Municipio de Lautém, Sr.Domingos Sávio.
Iha sira nia intervensaun Ministra Saude, hato’o katak: Fatin izolamentu ida ne’e, uluk governu nia intensaun harii uma ida ne’e atu ulitiza ba ema hirak ne’ebe kona infeksaun virus covid-19, maski momentu ne’eba municipio Lautém hetan covid-19 kona ema nain 187, no nain 5 mk mate, nia numeru kiik liu kompara ho munisipio sira seluk. Maibe covid-19 tun ka laiha ona taun imi bele uza fali hodi atende ba nesesidade seluk, hanesan moras malaria, dengue, TBC no sira seluk tan.
Governu iha nia politika atu “Lori saúde besik ba povu hodi la husik ema ida iha kotuk”, tan ne’e tinan-tinan governu sempre aloka orsamentu uitoan-uitoan ba area infraestrutura sira atu bele kompleta nesesidade povu nian. Liu-liu ba infraestrutura saúde nian atu nune’e povu labele halerik tan ba saúde.
Moras covid-19 tun ona tamba governu nia esforsu atu fo vasina ba nia povu sira to’o dala tolu. Nune’e agora ita bele la’o livre no saudável iha ita nia rai rasik no wainhira ita ba vizita nasaun seluk karik ita bele la’o livre.
Interversaun husi Administrador Municipio Lautém iha eventu inagurasaun ida ne’e hateten katak: “Uluk ema hotu dehan katak, hau mak siak liu iha municipio Lautém hodi kontra desizaun governu sentral, maibe hau nia intensaun diak ba ita hotu nia saúde, nune’e ita bele minimiza moras covid-19 iha ita nia municipio Lautém. Wainhira ema tama mai municipio Lautém nia tenki karantina tan loron tolu iha ne’e, maski nia karantina ona iha Dili. Hau mos harii fatin postu seguransa ida iha fronteira Baucau ho Lautém, nune’e sira nebe mai husi Dili bele kontrola iha ne’eba. Dalaruma sira toba deit iha estrada, hafoin publika katak fatin laiha, maibe hau harii tiha ona fatin izolamentu ba sira iha ne’eba, maibe sira mak lakoi toba iha laran. Ikus mai governu buka fundus no harii fatin izolamentu ba covid-19 ne’e iha Lospalos”.
Iha eventu ne’e mos labarik kiikoan sira hatudu sira nia dansa modernu ba ministra ho nia komita, no Administrador ho nia diretores servisus munisipais no xefi departementus sira, no mos ba membro saúde tomak nia oin. Hafoin palestra, elabora mos sertifikadu lima ba enjeneiru nain lima nebe halo dezenhu no BOq ba fatin izolamentu ne’e.
Depois de entrega sertifikadu, komitiva no partisipantes sira ba snek hafoin kontinua ho konviviu, tebe hamutuk mak foin fahe malu. Ministra ho nia komitiva kontinua viajen ba toba iha Tutuala hodi ba vizita fatin turismu Walusere no Ilheu Jaco.
By Aldo Jlm’22; Edisi, 310722