Oleh: Devinarti Seixas
Iha situsaun moris,atu kontente ka tristi sempre ita hatene katak mata wen sei suli habokon ita nia isin.
Labele hanoin katak moris iha mundo karik hau mak terus liu hodi simu mata wen nia Prejensa.Maibe dehan deit ba ita nia an bainhra ita nia matan wen suli katak ne’e alrma ida ne’ebe fo hela simbolu mai ita Katak iha liur ne’ebe ema barak terus liu ita no fanu ita hodi hader tamba laiha mata wen ida sai deit kuando ita la senti tristi ka kontente.
Iha tempu ita kontente hamutuk ho ita nia familia,belun,ka kolega no grupo balu iha fatin balu,ita hamnasa no hakfodak ba estoria balu hamnasa hahaek hamutuk hakfodak la tanis maibe mata wen sai.Maibe ne’e mata wen ida ne’ebe ho signifika kontente
Iha tempu ruma ita tristi mak mata wen suli habokon ita nia isn lolon tamba fuan atu rahun e mata wen suli hodi hakama’an fuan nia sofrementu tamba dezafiu lubuk mak ita budu hamtuk no hanesan foho ne’ebe hasai suar ka veneno bainhira to’o tempu ka (Gunung Meletus).
Ita labele laran tarido kuando ita nafatin simu mata wen nia Prejensa tamba rezutado husi fuan ne’ebe sofre tebes a ema seluk nia atetude.Koko nafatin hader hodi halo refleksaun ba ita ida-ida nia moris tamba laos ita deit mak iha mata wen maibe ema hotu iha mata wen.
Ita lao ka hakat tan iha razaun ka mehi.Mata wen mos suli an iha razaun.Labele senti katak iha mundo ita mesak mak sofre tamba iha ita nia belun seluk mos terus liu ita iha liur ne’e ba.Dala barak ita lakoi maibe mata wen hanesan mos we matan ka sumber kehidupan sei nia naran ona bainhira laiha is no hakotu ona ita nia ligasaun ba mundo.Hanesan mos We matan sei nunka maran kuando ema lubuk kaundo kriatura Maromak sei moris.
Lori ida ne’e husu ba ita hotu ne’ebe karik loron ruma senti tanis sofre demais hodi simu mata wen nia prejensa nune o bele sai ema ne’ebe kuinece o nia an lolos hodi berani foti desijaun maibe la hakanek ema seluk tamba o senti nia kaundo o mata wen suli.Laos fila hodi mata wen ita ba lohi tan ka hamonu tan ema seluk loro mata wen.
Iha ema barak tebes mak moris iha mundo no kria buat falsu hodi hakanek no hamonu ema maibe nia rasik la senti katak loron ruma nia sei senti saida mak nia halo ba ema Tamba mata wen hanesan mos we ba moris nian.Bainhira mata wen suli ba rai siginfika katak nia prepara nia dalan nune ita bale forsa no nafatin hakat tuir dalan ne’e hodi bele kuinese ita nia energia hodi nafatin luta ba oin laos ba fali kotuk.
Labele senti tristi mesak kuando iha problema ruma mak sai impaktu hodi taka dalan ba ita nune ita labele hakat ba oin tamba moris iha mundo moderno agora ema uja ida-ida nia idea hodi hamoris nia an.Barak tebes mak hakanek ema seluk nia sentimentu liu husi karakteristik ida hamonu ema hodi aproveita situsaun afinal ema ida nia hamonu no hakanek ne’e luta hela buat diak atu nia bele hader husi atetude at ne’e maibe iha balu mosu mai hatama nia ba rai kuak ida tan hodi ida monu ne’e dehan nia mak mestri ida diak.
Tamba ne’e labele lakon vontade kuando, ita senti sofre tamba iha ema balu atu aprovita ita.Nune hafahe ita ka hakanek tenki uja maneira. Maibe ita rasik mak la senti tamba ita faan hotu ona ita nia priasidade ba nia ate ita pinor hotu ona buat ne’ebe ita nian ba nia no nia domina ita husi ain kukun ate fuk oinsa.Nia mosu mai ho kianguaze no atetude ida mamar hodi halo ita fiar an atu spbu rasik ita nia fondasi
ne’ebe ita hari’i rasik fatuk ne’ebe ita nain hili hodi monta hanesan rin ida ba futuru.
Nune ita tenki fiar an hodi luta ba futuru laos hateke fali ba kotuk tamba mara wen ne’ebe suli sei la fila fali ba nia fatin.Hanesan mos we mota ne’ebe suli sei la fila mai we matan maibe nunka maran.
Labele hela ho mata wen maibe tenki forsa ho mata wen hodi labele hateke ba passado tama passado mak mestri ida diak tebes atu eduka ita hakat ba futuru.
Mata wen suli laos hamate ita nia spritu maibe fo alram ba ita atu forsa difini ita nia an sai ita nia an ida lolos.