Oleh: Aldo Jlm
Hau laiha tempu, tempu laiha rohan no tempu hotu ona. Ida ne’e mak ita nia ekspresaun wainhira hala’o atividade ruma. Maibe ita hatene saida mak tempu?
Tuir definisaun disionario katak, tempu mak durasaun relativa husi buat hotu nebe kria iha ema nia ideia agora, pasadu no futuru, periodu ne’e kontinua iha eventu sira nebe troka malu; determina perioduu ida nebe konsidera iha relasaun ho akontetesimentu nebe la’o dadaun; époka; periodu sertu moris nian nebe hafahe ho sira seluk; periodu espesifiku, tuir ida nebe koalia, ho se mak koalia ou koalia iha grau ida nebe; oportunidadae atu realiza buat ruma; kondisaun hotu-hotu meteorolojia nian.
Tuir S.Agostinho katak tempu ne’e hanesan, Memoria laiha se laiha tempu. Tempu mak determina ba akontesimentu sira, maibe se ita husu saida mak tempu, ita iha difikuldade boot atu esplika. Se mak bele sukat tempu pasadu nian nebe laiha ona ou iha future nebe seidauk to’o mai? Wainhira tempu la’o hela, bele hatenne no sukat nia. Wainhira tempu la’o ona, laiha ema ida hatene nunka sukat, tamba tempu ida ne’e la iha.
Tempu ne’e mos hanesan pensamentu husi Osho tuir mai ne’e: “Tudo vem no tempo certo. Tudo vem quando você está maduro. Tudo vem quando você merece”, “Buat hotu mai ho tempu sertu. Buat hotu mai wainhira o maduru ona. Buat hotu sei mai wainhira o merese”.
Tuir matenek nain ka sientista sira nebe sukat ona tempu hanesan iha figura tuir mai ne’e:
“Oras 1 minut 60, minutu 1 segundo 60, oras 1 segundo 3600, loron 1 oras 24, fulan 1 loron 30, triwulan ida fulan 3, caturwulan ida fulan 4, semester 1 fulan 6, tinan 1 fulan 12, semana 52, loron 365; ilustrum 1 tinan 5, windu 1 tinan 8, dasawarsa 1 tinan 10, sekulu ida tinan 100, mileniu ida tinan 1000 (rihun ida)”
Tempu tuir eskritor no motivator Ruslan Imail Mage (RIM) katak: “Kita hidup dari TIGA DIMENSI WAKTU, masa lalu, sekarang, dan yang akan datang. Jangan pernah membawa secuil pun ENERGI NEGATIF MASA LALU menapaki hari ini, karena masa depan hanya memilih orang-orang yang BERBIKIR DAN BERTINDAK POSITIF” katak,” ita moris husi tempu dimensaun tolu: pasadu, ohin no future. Lalika lori buat kiikoan Enegia negativu pasadu hodi lao tuir ohin loron, tamba future hili deit ema hirak nebe hanoin ho asaun positivu”.
Tuir Santa Terezinha do Menino de Jesus, ba nia tempu ne’e ba Na’i deit, hanesan tuir mai ne’e: “Na’I, hau iha deit loron ohin atu hadomi Ita-boot. Loron horseik liu ona, no loron aban, hau la hatene”.
Tuir br@muridhise & fam, tempu mak: “Hari ini adalah hari terakhir perjalanan hidup di tahun 2021…Buang dan lupakan semua rasa kekecewaan, amarah, kebencian, sakit hati bahkan akar kepahitan…Sambutlah esok pagi saat munculnya fajar pertama di tahun 2022, dengan kekuatan dan semangat yang baru serta hidup yang lebih berpengharapan…Terimalah berkat Tuhan untuk…1 tahun kekuatan, 12 bulan penghiburan, 265 hari pengharapan, 8.760 jam sukacita, dan 525.600 menit dalam sejahtera”.
Signifika katak, “loron ohin ne’e mak loron ikus ba nia moris iha tinan 2021…Soe no haluha tiha sentimentu aat hotu, hirus, laran moras, fuan kanek to’o nia abut moruk sira…Hasoru loron aban dader wainhira loron matan hahu sa’e iha tinan 2022, ho forsa no espiritu foun no moris ida ne’ebe nakonu ho esperansa…Obrigadu Nai grasa ba…forsa tinan 1 nian, konsolasaun ba fulan 12, esperansa ba loron 365, haksolok iha oras 8.760, paz no prosperiedade iha minute 525.600“.
Liafuan diak tuir medsos nian, dehan katak: “Ontem me guiou, hoje me guardou. Amanhã, o meu Deus já preparou” dehan katak, “Horseik guia hau, ohin rai hau. Aban, o hau nia Nai mak prepara ona”…hanesan ilustrasaun tuir mai ne’e…
Nai fo ona tempu mai ita durante moris iha mundu ne’e, uza tempu ho didiak, nune’e wainhira o nia tempu to’o Na’i bolu, o prontu hodi hatan ba Nia katak, tempu nebe Ita-boot fo ba hau ne’e, hau kumpri duni. “Tudo é uma questão de tempo” katak, “Tan buat hirak ne’e hotu sai kestaun tempu deit“.
By Aldo Jlm’22
Edisi, 010922