Hori uluk kedas, wainhira hau tama SD
Hau iha kedas mehi ida atu sai mestri
Tamba haree no motivasaun husi hau nia mestri sira
Nebe fo inspirasaun mai hau
Husi sala laran to’o fali tempu mamuk iha liur
Hau nunka husik hau nia mestri nia uma
Buat saida deit mak hau la hatene
Sempre husu ba hau nia mestre sira
Nune’e serbisu saida deit mak mestri nee halo
Dala ruma nia fo fiar mai hau hodi halo
Nune’e mestri nia serbisu mos kmaan
I hau mos aprende no experiensia kona ba mestri nia serbisu
Iha koresaun TPC nian, to’o prenxe kaderneta no diploma
Sai hau nia serbisu lor-loron nian
Hodi hakmaan mestri nia serbisu iha uma
Iha eskola mos sempre ajuda mestri hodi hakerek iha oin
No dala ruma esplika tan materia sira nebe
Kolega sira la komprende, to’o sira komprende
Ho liafuan nebe simples ba sientifika nian
Ho buat hirak nee hotu
Mak dada hau sai mestri agora
Hau hahu hau nia vida mestri
Husi tinan 1993 to’o agora sai mestri nafatin
Husi SMPK JP II Iliomar, muda ba Dili iha S.Pedro iha tinan 2002
Fila ba Lospalos iha tinan 2006–2012 iha ESG NCS, 2013 muda ba ESG LAT.
Pois tuir mai sai treinador, dosente iha Cristal, Unital no UNTL
Agora permanente iha ESG LAT husi tinan 2013 – agora
Experiencia sai mestre katak, maski osan laiha maibe matenek sei la lakon
Husi matenek mak osan buka fali ita mai iha uma.
By Prof.Emil (AldoJlm’21)