Kristu rei hanesan fatin nebe turismu ida nee furak no lori ema hotu, ba iha hanoin nebe foun no sentimentu nebe iha solusaun
No tasi lori anin nebe furak hodi halo hakmatek hau nia laran .
Hau senti ambiente tasi nian nebe hafurak no hafalun hau ho malirin nebe hakmatek.
Hau hateke ba tasi no imanzina katak Maromak nia kriasaun hotu nebe furak no hau imazina la hetan tanba so Maromak deit mak bele halo buat hotu-hotu
Tanba buat nebe Maromak halo nunga kontradis ho hau nia hanoin tanba sentimentu nebe mak hau iha Maromak fo
Hau labele sura no konta Nai nia diak iha hau nia moris ida nee hanesan tasi nebe laiha rohan
Laiha ema mak bele deskobre saida mak hau hakarak, no saida mak hau sente tanba moris ne’e Maromak mak hatene saida mak hau presija.
Tanba Kontenti nee laos mai husi ita nia riku-soin, ka buat nebe ita esforsu,maibe kontenti nee mai husi kriasaun nebe Maromak tau tia iha rai nee hanesan foho tasi no aihoris sira.
Tanba nee se wainhira ita hasoru susar, ou problema ruma labele foti dezisaun mesak hodi hasoru buat nebe mosu mai.
Maibe ita lao lai ba iha fatin sira nebe mak hakmatek hodi tu’ur no analisa. Hanesan tasi no foho ita sei sente inspirassun nebe foun, no sei fo solusaun ba ita nia problema..
Tanba Maromak nunga husik ninia oan sira nebe fiar ba ba iha Nia, bainhira hasoru susar Maromak sempre fo solusaun…
Maromak fo solusaun laos katak, Nia mai direitamente
Maibe liu husi nia kriasaun, nebe nia tau ona.
nee hatudu katak Maromak nee real, no rohan laek, nia domin nunga menus ba ita.
Lae! Iha buat sira nee hotu ita mak liu fali manaan nain sira liu hosi Nia nebee hadomi ita. Tanba hau fiar duni katak la iha buat ida – mate ka moris, ka anju sira, ka ukun nain sira, ka buat sira nebee iha agora, ka buat sira nebee atu mai, ka kbiit, ka buat aas, ka buat klean, ka buat seluk-seluk tan iha kriasaun tomak – la iha buat ida nebee bele haketak ita hosi Maromak nia domin, iha Kristu Jesus ita nia Nai..