Heii…belun diak, diak diak ka lae ?
Halo saida no ho se iha ne’ebé !?
Esperansa boot ó diak deit iha ne’eba
Sucesu ho saida mak ó halo ho se deit iha ne’ebe deit….
Loron komesa truka ba kalan
Naroman komesa lakon nia nabilan
Ó komesa lakon neneik hanesan anin fuik be mai vizita la fo hatene….
Tik…tik…tik manu aman kokorek
Loron matan nurak komesa nakfera
Loron foun hahu lori esperansa foun
Maibe…! Ha’u mout hanesan loron matan lokraik nian
Ba realidade moruk be uluk ha’u tau esperansa…
Belun diak ó hatene ka lae ! ó konsiente ka lae !
Seidauk to’o nia tempu ó sei iha insonia nia laran
Dukur ba iha o nia toba
Hader mai keta hakfodak ho mehu aat realidade…
Halerik ba halerik
La iha tilun atu rona
Tanis ba tanis
Laiha matan mai atu hare
Tebes ! ó tilun diuk…Matan delek
Fuan fatuk…hanoin difisiente
Ha’u komprende dalaruma ambiente mak halo transformasaun
Ha’u mos prontu atu hare maske forsa lae ba ó nia maniera seleksaun…
Ikus husi ha’u ba ó belun diak !
Baruk fó hatene
Kolen bele husu deskasa
Karik hanoin atu truka fo hatene importante
Konsidera mos ha’u hanesan uma nain….
Belun diak karik ba fo hatene…!!!
Ha’u sei la bandu tan ne’e laos prizaun
Ha’u sei la teri netik ó dalan
Ha’u sei la halerik atu ó fila maske fuan ne’e senti lakon
Se ida ne’e dalan atu ó bele konteti no sai vensedor
Ha’u mak ó nia adeptu terbaik ne’ebe suporta 100%
Mas keta halun……
Manu fuik ai laran iha nia uma
Asu fuik ai laran mos iha nia uma
tan ne’e keta haluhan karik :
KOLEN
BARUK
DUKUR…FILA TAN “HA’U MAK Ó NIA UMA”.