Ermera o naran bé hanaran ermera,
tan ó emar nebé fakar ran ba libertasaun patria
Ran sai hanesan bé hodi naksulin no nakfilak ba independensia.
Ó mak rai ida nebé konesidu ho rikeza kafe
Ho naran morin tebes bé hanaran Laher Letefoho, Atsabe, Hatulia Ermera No Railaku.
Ó mak rai nebé nakonu ho turizmu
Maské uluk rai nee sidauk iha Bandeira
Maibé ó iha motabendeira bé nasulin ho matak malirin to iha cristu liurai
Nebé
sempre fo sasin
ba ó emar maksalak be sala nain
Hodi dame no hadame ó emar sira hotu.
Maské ó natural ho municipio nebé malirin hodi halo ó Emar nakdedar iha tempu dader no loraik
maibé sira la nakdedar ba poder no ukun iha rai ida ne’e
hodi halo traisaun ba sentidu Demokrasia
Katak ukun Mai husi povu sei fila ba povu
Maibé Realidade ukun husi povu la fila ba povu
So fila ba bolsu hodi fo bokur familia.
Labele hanorin ó emar luta
Tan ó emar ran lutador laos traidor no mafiador.
No o emar sira mak ema nebé fé forte tebes iha rai ida nee
hodi produs ba padre no madre bé barak
iha rai RDTL hodi hamutin rai nee sai mutin hanesan ho ropa mutin nebé sira uza iha sira isin be mutin.