Doben iha o leten be murak …foho be furak
Iha dader loron matan nurak…ha’u otas sei nurak
Mahoween dadersan lori mos mata ween nodi sona borus ha’u fuan ho kroat realidade
Hader dader …malirin falun isin sai nakdedar iha dader
Maibe ha’u tenki hisik mata husi kama…
Tamba klamar tauk
Ho moris be mai reklama
Ho hamnasa nakonu ho depresaun….
Eeiii…tebes ! moris ne’e fasil hanesan maksonik sira halo maibe halao moris ne’e difisil hanesan hakat iha nakukun sem lampada…
Matan ne’e lakoi husik mata ween ba ha’u jerasaun
Maibe…
hakarak ke’e wee matak ba ha’u doben murak rai husar nia jerasaun….
Rai husar hau husar talin hakoi…ai talik kleuk aileu laiha hun maibe ó mak hahu,se mak hatutan no se mak hakotu
Ha’u hakrak hamorin o naran Aileu hakilar ba o vizinu Aileu mos bele
Tebes…! moris ne’e kleuk hanesan ai ne’ebe kleuk gosta lori tempu kleur
ha’u hakrak riska antes ha’u han iska
tan ema hotu bele iha historia moris
maibe…
laos ema hotu-hotu iha sejarah moris…
Rai husar iha ne’ebe ó ema be loko an dehan matenek
Iha ne’e o emar hamlaha ba matenek tan matenek sira laran makerek
Iha ne’e ha’u hakerek poema dadolin ba o ne’ebe gosta halo traisaun
Ha’u lulin
Hurai-tartihi
Seloi-hautana
Hautbos-dailor
Hohulu-Raimansu
Udobou Letebau lolo liman ba malu ba kesi o jerasaun nodi haburas amizade,hametin unidade,kria establidade,semo ho liberdade mak dezenvolvimetu sei mosu hanesan milagre..