Distinsaun saida deit entre estudantes iha tempu uluk no agora?
Tamba saida mak diferente?
Tempu uluk no agora diferente iha buat barak
Diferente iha tempu, rejime, autokrasia, teknolojia.

Tempu uluk estudante sira susar iha buat hotu
Fatin, osan, hahan, fasilidade eskola, nsst…
Fatin araska liu wainhira husik familia ba raidook
Buka familia hodi hela, buat hotu araska, dezenraska ba hela ho tropa sira

Osan no hahan sai problema boot
Atu han deit mos tenki kesin kabun loron tomak
Ba buka etu bikan ida iha kolega nia uma
Haree ba nia nasib ho nia maluk sira hanesan deit, dezenraska tenki ba hela duni ho ema

Balun hetan diak ne’e grasa ida,
Balun fali hetan a’at nee desgrasa boot ida
Oinsa kompleta fasilidade eskola nian?
Tane liman tun sa’e, hodi hetan benefisiariu laran diak sira.

Maibe la hamate espiritu mehi aas ba futuru
Hodi fera ulun no kakutak hodi buka aprende buat hotu
Iha fatin, fasilidade no kondisaun sein adekuadu
Maski nune’e rezultadu ikus la hetan nota mean iha kaderneta

Tempu agora estudante sira fasil hetan buat hotu
Fatin, aihan, osan, fasilidade eskola, teknolojia dijitalizadu
Fatin diak tamba iha ona familia ruma atu hamahan-an ba
Nebe tau matan ba sira wainhira husik sira nia familia rasik ba buka matenek iha rai dook

Osan no aihan ladun problema ba sira
Han dala tolu ba loron ida la kestiona
Wainhira sai husi uma, ka fila mai uma kabun sempre nakonu
Maibe tamba sa mak sei la satisfaz?

Dala ruma hetan grasa, no dala balun hetan desgrasa
Fasilidade eskola nian inan aman balun kompleta, maybe balun lae, tamba vida miseravel
Lampu eletrika fo naroman 24 oras hodi halakan sira nia oin atu estuda
Maibe dala barak baruk estuda, buka mak tiktok, WA, messenger, FB d8(deit).

Mehi ba futuru la sai realidade ona, tamba la iha motivasaun atu estuda
Uluk buka materia, buka livru iha biblioteka ho distansia nebe dook
Agora buat hotu fasil ona, biblioteka boot multifunsaun iha ona
Husu no buka saida deit iha google mosu ona, tuir ita nia gostu

Maibe estudante barak mak la uza fasilidade ne’e ho diak
Barak liu mak halimar game, tiktok, WA d8.
To’o tempu exame mak foin buka kadernu, hodi estuda kalan tomak
Dader ba exame matan dukur no haluha lakon materia hotu

Ita nia kakutak ne’e hanesan botil ida
Wainhira ita fakar bee balde ida ba laran
Uitoan d8 mak tama laran, barak mak fakar iha liur
Nune’e mos ita nia kakutak, siensia simu uitoan d8, barak mak fakar iha liur

Laiha ema ida nebe beik iha mundu
Iha mak ida nebe badinas buka siensia sei sai matenek
Ida nebe baruk atu buka siensia sei sai beikten
Ikus mai matenek ema uza, beik sei sai lixeiru sosiedade

Tempu uluk estudante sira sei fiar nia mestri sira, tamba iha rejime ida
Tempu agora, tempu demokrasia, buat hotu muda tuir era demokrasia
Estudantes nia direitu boot liu fali professor
Lei no regras kesi metin professor la book-an

Estudantes livre halo buat hotu nebe tuir nia hakarak
Horario no regras sai hanesan emblema deit
Professor sai hanesan boneka ida iha sala laran
Haree deit alunus sira professor tensaun sa’e maibe tahan deit

Oinsa futuru rai doben Timor Leste atu lori ba nebe?
Estudantes livre iha buat hotu, lei kesi metin manorin nain sira la book-an
Atu sai saida loos futuru nasaun ida ne’e?
Wainhira manorin sira hateke deit sala nebe estudante sira halo?

Atu fo sala ba se? Rezime ka demokrasia? Birokrasia ka birokrat?
Tamba futuru rai doben Timles iha estudante sira nian liman
Se sira esforsu-an sai estudante nebe diak
Grasas a Deus sira sei hetan futuru nebe diak

Maibe ida nebe livre totalmente
Sei hetan desgrasa iha nia futuru
Tamba ne’e sai lei natureza tiha ona
Ida nebe matenek no makaas mak sei ukun no goza
Ida nebe beik no fraku sei sai lixeiru…

By Prof. Emil Santos’22

(Visited 324 times, 18 visits today)
Avatar photo

By Aldo Jlm

Elemen KPKers-Lospalos,Timor Leste, Penulis, Editor & Kontributor Bengkel Narasi sejak 2021 hingga kini telah menyumbangkan lebih dari 100 tulisan ke BN, berupa cerpen, puisi, opini, dan berita, dari negeri Buaya ke negeri Pancasila, dengan motonya 3S-Santai, Serius dan Sukses. Sebagai penulis, pianis dan guru, selalu bergumul dengan literasi dunia keabadian.

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Situs ini menggunakan Akismet untuk mengurangi spam. Pelajari bagaimana data komentar Anda diproses.