Aiknanoik Husi Iliomar

Husi: Dev.Seixas

Koumeme ho Oan Kiak Nain

Iha tempu uluk ema moris hanesan vida to’os nain ho natar nain.Loron ida oan kiak mane nain rua maun alin halai hela sira nia natar. Sira rua mos hein karau e loron ida hanesan tradisaun Timor,bainhira halai natar hotu labarik nain rua ofrese oho animal ba nia matebian sira tamba sira inan aman mate hotu ona.

Tempu barak sira nunka halo tuir. Oan kiak ida boot husu ona ba nia alin.Alin ita durante ne’e nunka oho animal ne’ebe ita oho karau ida lai nune ita hatur ba matebian sira antes ita kari fini.Nia alin aseita no sira rua komesa oho karau ida.

Bainhira sira oho karau ne’e hakfodak Koumeme (nenek lampir) mos horon naan nia is e nia komesa mai buka tuir labarik nain rua.

Nia mosu mai toman hela labarik nain rua kua hela naan karau e nia halo labarik nain rua hakfodak tamba nia dul husik naruk hanesan mate klamar nunka sui.

Nia horon naan is nia ba buka tuir kedan tamba ne’e labarik nain rua tauk los.

Koumeme komesa dehan ona,hei imi rua halo naan ne’e tau ba hau nia bote hodi hau lori ba hau nia uma.

Labarik nain rua Hateke malu .Ai naan ita nia tia ferik Sakana ne’e atu lulun mos fali taun halo nusa mak ne’e maun.Nia maun bisu-bisu ba nia alin nia tilun,alin kalma naan ne’e orsida tenki mai to’o fali ita basta o labele tauk.

Diak maun maibe oinsa ne’e?

Kalma no hein deit maibe antes hau fila mai o tenki ke’e rai kuak nune tula ita nia karau sira ba laran hotu lae nia ba han hotu Koumeme sei fila mai han hotu ita nia karau ho ita rua dala ida.

Diak maun pois hau ne’e!

Koumeme dehan ona hei imi rua halot naan ka nusa sei bisu-bisu malu hau dehan ba imi rua,ka imi rua hakarak hau han tiha imi nain rua.

Nia alin tauk no halot hotu ona na’an ba ferik Koumeme nia bote.Nakonu tiha ferik Koumeme dehan ona los ona hau fila lai.

Oan kiak ida boot ne’e komesa dehan ona,avo Koumeme naan todan liu ne’ebe husik hau ajuda lori ba uma.

Avo Koumeme mos aseita.

Tuir dalan labarik ne’e lohi tiha Avo dehan avo,avo hein lai na’an besik monu ona hau hadia lai. Avo mos para no labarik ne’e hasai tiha na’an ida tau fali fatuk iha ferik nia bote.

Hakfodak labarik ne’e lohi tan nune to’o nia foti hotu fali na’an fila fali nia troka hotu fali fatuk ba tau iha ferik bote ikus nia dehan avo besik ona uma taun hau fila ona.

Koumeme hatan diak oan.

Tuir dalan Koumeme kontente los tamba nia na’an barak ona.

Labarik ne’e fila mai foti hotu nia na’an.To’o sira besik natar sira subar hotu karau no na’an sira hatama ba rai kuak dala ida.Nia alin mos tama hotu rai kuak laran no nia maun komesa taka ona rai kuak tamba ferik koumeme sei la husik sira moris.

Koumeme to’o tiha nia uma senti kontente no rai hela bote maibe la hare’e.Nia komesa nono we atu hatama na’an par han.Pois we komesa nakali Koumeme mos ba foti tudik.

Koumeme kontene los.Hare’e ba atu foti na’an iha bote hakfodak fatuk mak nakunu.

Ah labarik buka hau ba han tiha duni sira rua.Asu tau fali fatuk ne’e ba hau nia bote sira hein.

Komeme mai ona sira nia natar.Nia maun ba subar tiha iha nu leten.

Komeme hakilar ona sira rua ! Hei bandidu nain rua sai mai,imi bele bosok fali hau ka.Hau toman imi rua imi sei la moris.Hau sei han imi nia aten to’o mos.

Nia Alin ida rai kuak tauk los.

Ida boot tur iha nu leten hamnasa Koumeme.

Koumeme buka iha natar laran laiha taun nia nervo tuku tebe rai sira ne’e.

Ikus mai Koumeme atu fila mak hateke fali lalatak ida iha we laran,nia hamnasa hahaek tiha mak dehan

O mate ka lae ? Labarik lohi ten o tenki mate agora.

Koumeme hanoin labarik sira ne’e iha we laran.nia kuru sai maibe we nunka maran.

Koumeme komesa buka maneira oinsa.Koumeme tenki taka nia kidung hemu hotu we to’o maran ikus nia la hare’e labarik.

Koumeme komesa hanoin iha nia laran ohin hau hare’e ne’e se? Nusa nia laiha? Ikus Koumeme hakfoda !

Entah labarik ne’e iha nu leten mak hau hare’e nia lalatak.Nia tesik mai hakilar o mate agora labarik.Hakfodak nia sae ba nu leten besik labarik e labarik mos tetak hotu nu ba ferik Koumeme e ikus ferik Koumeme mos mate .

La kleur nia mos tun husi nu hun nia ba ke’ e fali rai kuak e nia alin mos sai husi rai kuak ho nia karau sira ho na’an hirak ne’e.

Nia alin tauk no dehan o mate ka lae Koumeme.