Domin, oh domin…
O nia midar no moruk hau seidauk senti
Halo hau sai bulak tanba o
Husi ida ba ida seluk nebe hau gosta
Ohin hau jura hamutuk ho fuan sorin ne’e
Jura katak mate ka moris it’rua hamutuk
Iha tempu susar, no tempu diak nia laran
Mate ka moris mos it’rua raikuak ida
Foin liu deit fulan balun
Senti domin juramentu ne’e mihis tiha ona
Buka domin seluk ida ne’ebe diak liu fali iha juramentu ne’e
Domin nurak, kabeer, nabilan, no mamar hanesan kabas rahun
Domin ida iha uma hein o atu fila mai
Lori bukae husi o nia kosar be’en
Hein ba hein to’o tempu ikus
O mosu mai ho liman mamuk
O fahe ona o nia kosar be’en ne’e ba see?
Uma na’in husu o nia sinseridade
O fahe ona ba se’e, konta ba mai dolar la to’o hela deit
Ka bolsu mak kuak monu iha dalan?
Iha oin o dehan hadomi mate-an ba fuan sorin legal
Iha kotuk o intimu loos ho o nia parseiru ilegal
Ikus mai rezultadu husi domin 2159 ne’e mosu
Hafoin o nega dehan la koinese nia….
Maibe iha kotuk o hadomi nia liu fali it’rua nia domin
Nebe it’rua jura iha leten aas ba nia oin katak mate ka moris raikuak ida
Maibe o trai tiha domin ne’e, hodi haliis tiha ba ida seluk
Ne’e mak hanaran domin erros ka domin triangulo? So iha leten mak hatene…
By Mr. Aldo Jlm’21