Domin oh domin…
O isin no klamar laiha
O mosu mai iha ami nia imajinasaun
Husi imajinasaun tama ba fuan
Halo fuan sira funa-funan hodi konek ba malu
Maski o isin no klamar laiha
Maibe o nia forsa sem limite
Hanesan magnetu tolenada ida
Nebe dada besik fuan rua nebe hela iha distância dook
Anin kalan mamiri iha tempu modernu
O semo tuir anin elektromagnético
Husi fatin ida ba fatin seluk
Halo fuan nia nain sira kalan toba la dukur
Dasa ba mai vidru kiik android phone
Husi nia mak fuan rua bele konversa ba malu
O diak kalae? Doben han ona ka seidauk?
Ohin halo sa1 deit? Iha istoria foun ruma kalae?
Se senti saudades, diak liu ita VC deit
Ita haree malu direta, p’ra halo fuan rua besik malu liu tan
Maski iha distânsia dook milhões kilometru
Senti besik hela, tamba anin elektromagnético mak sai mantalin
Domin, oh domin….
O isin no klamar laiha
Maibe o nia poder makaas liu fali ami
Halo ami namtati iha fatin
Tan o nia poder nia hahalok
Halo ami senti traumatiku, pániku, kontenti, triste
Halo ami aihan no we midar sira sai moruk tiha
Sadis liu mak o halo ami bele tara-an
Mate no moris tamba o domin
Maibe ba domin ida nebe loos?
Domin mosu mai multiversaun
Nia poder mosu mai hanesan covid-19
Detekta la hetan…laiha vasina atu kura
Tuir Ejiptu klasiku katak iha domin tipu valu
Eros (domin sexual), Philia (domin amigavel), Ludus (domin lekirauk),
Agape (domin ba ema hotu)
Pragma (domin longu prazu), Philautia (domin egoista),
Storge (domin familia), Mania (domin obsesivu/dada-besik)
O hili domin tipu ida nebe?
Ka domin ida nebe mak dada o
Hili tuir o nia konsiensia
Para bele fo ksolok ba o, iha o nia vida tomak
Depende ba individu ida-idak nia hili
Hili domin loos, sei haksolok o nia vida tomak
Se hili sala domin, nia sei kastigu o vida tomak
Tamba domin nia poder mak halibur ita hamutuk iha fatin ida
Domin mak halo ema diferente sexo sai unidos
Unidos atu forma famila ida
Rezultado domin mak sei mosu iha nain rua nia oin
Hodi kontinua habelar domin nia lalaok iha futuru
Familia forte, familia nebe kesi metin ho poder domin
Se familia nakonu ho domin, iha neba hetan fatin haksolok
Se hotu-hotu hetan ksolok, imi hetan domin loos
Domin loos sei hatudu Maromak nia prezensa iha domin agape…
By Emil Santos’21