Oleh: Aldo Jlm
Hori uluk, hori wa’in
Timor oan sira aswain nanis
Defende o nia direitu, o nia dignidade
Nu’udar umano iha mundu internasional
O nia mehi atu sai independente
La’os kalan mehi dader realiza kedas
Maibe mehi ne’e lori terus no susar barak
Iha tinan barak nia laran, mak foin realiza o nia mehi ne’e
Husi luta frente tolu,
frente armada, frente klandestina, frente diplomatiku
tau forsa hamutuk sai unidos, hodi luta kontra invasor sira
ho prinsipiu ida katak, “mate ka moris ukun rasik-an”
Mehi ne’e realiza husi akordu 5 de maio peniche Portugal
Mak hamosu preparasaun ba loron Referendum
Misão ONU hanaran UNAMET, hakat-ain mai Timor
Hodi halo registrasaun ba populasaun sira
Liu tiha fulan ida, loron determinasaun referendum to’o dadaun
Inimigu sira lansa estratejia oi-oin atu boikota referendum
Maibe timor oan sira mantein kalma hodi tuir votasaun
Votu ida husi pregu no lapiseira sai determinante futuru rai ida ne’e
Loron espesial ida ne’e mak hanaran 30 de agosto 1999.
Agora liu ona tinan 23, o liberta ona o nia pátria
Maibe povo seidauk liberta, husi kiak no mukit
Husi beik no ignoransia
Hodi bele desenvolve o nia rai ida ne’e
Ba futuru ida nebe diak liu agora.
by Aldo Jlm’21
Edisi, 300822
Viva Timor