Sama foho foho nakwelar, sui tasi tasi nakliki.
Inisiu konduz proklamasaun, husi proklamante Fransico Xavier do Amaral, ba Kolonial be lori relijiaun, reza karik tenki taka matan, maske loke rikeza lakon laek.
Kontinua ho sira be mate rate laek, David Alex Daitula, Nicolau dos Reis Lobato, no sira be
ran fakar ruin be lekar, husi besi kusan funu maluk.
Hakotu hó Kairala Xanana Gusmão, Frente armada, Diplomata no Klandestina, ouh… Povu Maubere momento invazaun, dadur iha prizaun.
Kondisaun obriga kontradisaun, hamosu heroi no milisi.
Eih.., traisaun ba luta Ukun rasik aan, tan tatika tenki pratika, maske konsideradu otonomista.
Nodi haluhan, biti mak talitahan, ai-abut mak sumasu, aihan mak aitahan no kulit.
Eih, agora ita selebra, maske balun la lembra, tan dezenvolvimentu obriga povu vitima ba
fatin laek, iha eviksaun husi alargamentu. Tan deit rai Estadu, no Povu laiha rai.
Iha terenu, laiha ida hatenu, hodi defende ba direitus umanos, maske iha sociedade sivil no
seguransa, maibé Povu nafatin vitima tan la seguru. Maske uluk hakarak ukun aan, agora
hakonu ho admira, tan laiha mahon ba deskansa, iha Demokrasia sentralizasaun.
Heroi hamosu duvidas, istoria nakonu ho rekere, tan riska makerek, exeptu bolsu nakonu,
nodi hakerek ho lolos.
Restaurasaun laos ba deit lideransa, Restaurasaun laos ba deit kores, Restaurasaun mos laos
ba deit partidu no familía.
Lutador lolos, laos rekere ba nia maluk be traidor.
Maibé, tuir prinsipio be iha, mate ka moris ukun rasik aan, hodi rekonese mundo
internasional, ho naktuka be sidauk los, tan pensaun mensal satan ba matan.
Parabéns Rai Doben Timor🇹🇱❤️
Orgullu Nudar Timor Oan🙇♀️🥰
Hakerek nain: Joao