Opiniun Alunos Ba Formasaun Literasi Lingua Jurnalistik Husi Komunitas Penulis Kreatif Sosial (KPKers) Timor Leste Iha Pusat Budaya Indonesia Dili
Hau tuir formasaun literasi lingua jurnalistik tamba hau iha mos mehi hakarak hili profesaun jurnalista ba futuru .
Razaun hau tuir formasaun ne’e tamba tuir hau nia hare’e kona ba ita nia Jurnalista iha Timor ne’e diak.Tamba liu husi profisaun nu’udar Jurnalista ita foti informasaun ne’ebe real no ita rai matan no tilun povu nian.Liu husi ida ne’e mak motiva hau atu hili profisaun nudar Jurnalista ida.
Hau nudar gerasaun foun hakarak atu sai Jurnalista ne’ebe diak iha area disportu.Realidade ita hare’e iha Timor Jurnalista barak maibe halai ba area disportu ne’e menus.Purtantu liu husi ida ne’e hau nia hakarak hili duni profisaun nudar Jurnalista,para bele trasmiti ita nia aktivaidade disportu iha Timor ba mundo.
Liu husi profisaun Jurnalista bele transmiti informasaun husi akontesementu ne’e lolos bazea ba faktus iha vida politika nian ka seluk tan no situasaun ne’ebe akontese iha rai laran mos rai liur.
Sai nudar Jurnalista ida benefisiu ne’ebe mak hau hetan mak hau bele hatene informasuan iha rai laran ka rai liur direta bainhira hau rasik halo kobertura no bele transmiti informasaun ho lolos kuando sai hanesan vocal point atu husu pergunta ba assuntu saida deit liga ba 5W + 1H nomos bele utuliza kamera hodi hetan mos rendementu ba ita nia an liu husi profisaun ne’e rasik.
Benefisiu seluk mos nudar Jurnalista ida bele hatene servico ne’ebe ligado ho area jurnalismo hotu hanesan sai apresentador/a hodi hato’o noticia,bele sai reportazen, no editor ho seluk tan ne’ebe diak hodi publika sai rezutado ba publika.
Sei ita sai jurnalista ne’ebe diak,ita mos bele terenu dadus no iha ne’eba ita hatene klaru kona informasuan refere liu husi foto no video bazea ba faktus no actual.
Durante estuda Programa literasi lingua Jurnalista husi organizasaun KPKers Timor Leste ne’ebe hetan fasilidade fatin husi KBRI iha Pusat Budaya indonesia nomos SEJD hau bele hatene no akapta buat lubuk mak oinsa hakerek noticia ho fomula 5W +1H e Jurnalista mos tenki iha skiil bazea ba 4 komponen hanesan listening skill,Speaking skills,reading skills,no writing skills.
Hau mos aprende kona ba linguazen sira ne’ebe merese ema ne’ebe hili profisaun nudar Jurnalista uja bainhira halao nia knar nudar ema profesional.
Hare’e ba vocabolario,frase,alenia ka linguazen legal bazea ba EYD.Hau mos aprende kona ba karakteristika linguazen ba radio,no televizaun aprende mos kona ba formula SMCR no acapta kona ba Media sira.